好嬲！！今日已經即時向李ｘ駕駛學校投訴咗！！
各位姊妹真係要小心，雖然投訴咗，但係唔知整唔整得死個衰人，
話唔定轉個頭係第二間或者私人教車，再遺害人間！！

＊＊個賤人叫鍾ｘ成，車牌NHXXXX＊＊

係阿伯嚟，手法咁純熟，絕對唔似一次教車時候乘機抽水！

正賤人，話說我女人仔第一次學車，今日上第二堂…..

第一堂時個賤人鍾Ｘ成都試過多次教揸軚時「掹」同「捉」住我隻手，
當時以為自己第一次學車反應慢，加上佢第一堂有戴勞工手套，所以都冇為意。

今日第二堂，學車地點同樣係九龍塘，
個賤人話教我「拖迫力」，係直路踩吓放吓個迫力咁，
佢一路叫我踩迫力，就一路「拍」我右腳膝頭，我先至為意今日佢冇戴手套。

後嚟到係條街度兜圈、停燈位咁，
我開始純熟，可以自己操控駕車，個賤人間中會伸隻手响軚盤下面幫助吓，
我每逢左、右轉彎同回軚時會較驚青，因為要兼顧ｏ既嘢較多同埋要望路面情況，
個賤人就喺呢啲時候落手！！

後嚟慢慢轉出較多車同燈位ｏ既馬路，
佢每逢響小路入大路、左轉、右轉時，
就扮晒幫我扭軚，隻手放完喺軚盤下面，順手將隻手「晾」咗響我大脾到，
直至轉完彎入番直路，個賤人又若無其事咁縮番隻手，
如是者由九龍塘旺角來回兜咗幾次都係咁，
逢親轉左轉右，隻手都乘機放響我大脾2-3秒，

你可能會話點解我當時唔出聲鬧爆佢，
但係當時情況，駕車係郁緊，馬路有其他車，
我又要兼顧轉彎、回軚、睇車、睇燈、收油、比油咁，
為咗安全，我連「啤」佢ｏ既時間都冇，
佢擺明就係恰我初學較為騰雞，喺呢啲時候落手，
我當時可以做ｏ既只係黑面同唞大氣！

好喇，後嚟入番九龍塘較靜ｏ既馬路，
我真係好想兜巴打個賤人，
但係當時心諗，得我同佢係車廂，萬一佢發瀾渣點算？
我個袋仲放響後座，要走都走唔切，
佢又知我電話，睇過我地址（考車嗰封信），會唔會騷擾我報復？
佢抽我水時又冇人睇到，又唔即時斷正，報警非禮人哋信唔信我？
雖然我係受害者，但係始終唔係一件光彩ｏ既事，

我啞忍到學完車，越諗越嬲，
即刻走去李ｘ駕駛學校轉師傅同投訴個賤人，
個櫃面小姐聽到即刻話「咁嚴重呀」，同我寫低個賤人啲資料（唔知係咪敷衍我），
我當時好勞氣咁問，係咪教揸軚個師傅隻手會放響大脾，
當時另一名李ｘ男職員就話「梗係唔會啦」，又話會同我跟進，

之後，我好認真咁問李ｘ啲職員，投訴會唔會影響我學車同考牌，
因為班教車師傅行內「圍威畏」，同埋我好驚再見到個賤人，
（都唔明點解明明自己冇錯，仲要驚個賤人知我投訴佢而玩嘢報復，
但係無理由當無件事，冇理由比賤人繼續向其他女仔落手）
個職員提議我轉學車等候地點，又即刻同我call過另一個師傅，
又話佢同鍾ｘ成唔係一班圍內ｏ既師傅。

但係，我懷疑只係口頭投訴，李ｘ會唔會好認真咁處理呢件事？
我駛唔駛寫封信去？
如果要，我考完牌先寫去會唔會好啲？
同埋李ｘ同教車師傅有冇僱傭關係，係咪會炒佢？
如果只係掛單性質，根本就冇辦法對付個賤人，
個賤人繼續會向其他學車ｏ既女仔埋手，影衰晒啲教車師傅！！

好唔好轉公司學車？你估李ｘ肯唔肯退番錢比我？
我好驚學車再遇到呢啲賤人，嚟緊七月尾我要考牌，我依家又驚又激氣，
越嚟越冇信心可以考到車牌……

有冇姊妹遇過鍾x成呢個賤人，
唔好啞忍，隊佢出嚟，甚至將佢ｏ既醜行forward開去,
見佢啲手法咁純熟，又咁識睇時機同學車女仔ｏ既弱點，
我幾乎可以肯定佢唔係第一次教車時乘機抽水！！

李ｘ駕駛學校我覺得教車麻麻地
我都學過...肥左佬
之後跟私人師父學

dont be angry la

聽你咁講, 雖則都係單方面, 但係確有地方根本唔需要身體接觸, 尤其男女間就緊加要忌諱, 佢咁做, 你絕對要正視

一定要告佢啦~呢d人渣cheap到冇朋友教車邊度要身體接觸,我個時學車都未試過呢d人變態唔使留情,加油!p.s我係男

女的抽水,男的佢地會收錢唔教你野,我用咗成一萬幾都學唔成,

我都係佢度學肥佐两次