2008-3-29 16:06
wpywu
在相學的範圍裡面，將人的形格分開五大類：係以五行來做代表，分別係木形人、火形人、土形人、金形人及水形人，亦都首先觀看面形，共分為甲字面、由字面、同字面、田字面、圖字面五種，但係純粹一種形格的面形又極之少，所以亦產生了變化的混合形。例如火土形的申字面、水火混合的風字面、土水混合的目字面、金木混合的王字面、火金混合的用字面等等。其實要細緻分起上來亦都唔止呢十種、為了方便起見就以最常見的做例，睇相應以最常見的例為標準。
木形人：
在外表睇面形較長、身形較瘦削、鼻多數較高、手指長；手背腳背露筋、眼形長、毛髮較為濃密、行路的時候身軀較直、行勳較為敏捷，做事唔會me me mo mo，性格較為執著，做事多數都謀定而動，最忌眼圓、頸幼、手指短，有呢D 形格的人就破壞了木形的優點。
水形人：
外形面圓而略帶肥，唔單止四瀆（眼耳口鼻），就算連肚腩、籮柚亦都帶圓形，手指較短，手背腳背唔露筋，手掌皮較滑，聲線平中帶高，性格屬於順得人，反應快，呢一形格的人通常都以利益為主，堅持某種信念的好少，講話好流利、性急，但係手腕好靈活，如果唔係非不得已都唔會得罪人，適宜做公關，或者公司對外的連絡，適應性強，在任何環境之下都有生存的能力，同時亦可以把自己的生活習慣完全改變都得，最大的優點就係「落得面」同係「嗌完交」可以即刻同你 FANRD番，當冇事發生，一般人未必做得到。水形人最忌頸長，手指長，手板「鞋」同埋下巴長，有呢D特徵就會抵消水形的優點。
金形人：
外形較為方正、皮膚白；晒極都唔黑，手掌厚、身形唔太高，睇落去骨格同肌肉好相稱，舉止上好少粗魯，坐姿較為文靜，性格剛直，屬於固執，唔容易妥協，做事勇往直前，好少中途轉向，講得好聽就一心一意去做一樣野，實際就係唔識轉彎，所以在好運的時候就好好，但係如果在衰運的時候就唔容易自己轉運，一定要有其他人幫手，金形人最忌下巴尖。
火形人：
呢Ｄ人的特點好容易睇：
髮粗硬；
皮厚顏；
耳形尖；
露頸筋；
面紅鼻高；
膚色較深，一晒就黑；
手掌淆而手指長，指節；
行動敏捷，講說話快。
性格喜怒好容易睇得出，想做就做，冇掩飾，但鍾意一樣野，個樣野一定係最好的，或者認定你係好人，你就係好人，你就係永遠都係好人，所以火形人算得上係極度主觀的，但係如果發?惘酗H呃佢，就即刻反面，冇情講，做事又係勇往直前，在佢眼中冇失敗的，所以呢Ｄ人永遠都有一種欒觀的性格，但係火形人最忌生到一把勁力而軟的頭髮，或者手指尖細，都會破壞火形人的特性。但係世上生成單獨形的好少，大多數都係混雜的，例如火夾土、火夾金、木帶水、木帶金、水同金、水同土、土混火、土混木、金兼水、金兼火都好多，最好就係帶順的，例如金帶水形。
水木形：
水形人的形格基本上係圓而帶肥，而木形就係瘦而略高，水形帶木的人最大的特徵就係鼻樑高，面形較尖，呢Ｄ人性格較硬直，唔會為小小利益而改變立場，有見義勇為的膽量，胸襟廣闊，呢Ｄ係佢的優點，但係最忌腳幼，腳背露根，有咁樣的形格出現就係破壞了水形帶木的優點，第一就冇膽，第二小器。
火形人：
火形帶土的人，形格上皮膚較粗糙，膚色較深，体形厚屬於健康形，性格樂觀而不拘小節，頭腦靈活，守信用，最忌頭髮幼，眉毛小淡，火形帶土而有呢Ｄ特徵唔使慌佢有信用，同時亦都疑心大。
首先要搞清楚貴同賤的定義，照封建的世俗睇法，一定要係做官，所謂仕的階級，重要係高官先至叫得做貴。相反，身份低微，沒地位，俾人指的就統統都被列為賤的範圍，呢種觀念一直維持到十九世紀，當時一般人的觀念唔單止係農工商，就連其他有特別技能的都唔俾人睇在眼內，點都要有官服著先至叫做貴。現在仲有Ｄ三世祖成日都話富貴唔過三代都未識得食，來擺款，但係現在的貴賤唔應該用番舊有的觀念，應該將佢化成有形同無形兩面來睇，有形的就係在社會上所處的位置，即係對其他人的影響力越大就越貴、越受人尊敬就越貴，呢Ｄ係表面的，大家都睇得到的。而無形的就係個人的氣質，可以分兩種；一種係先天性與生俱來的，出生於有教養的家庭，另一種就係後天的，自己不斷努力，學問加上信心，俾人覺得佢有一種內在的貴氣，呢一句話定於骨法，表示唔可以憑衣冠或者皮肉來分辨邊個賤，而一定要觀察力透到去骨格裏面去，所以係呢度就先要研究骨法，在人体上同骨相對稱的就係肉，最基本的就係以骨為主体，肉係客，骨同肉一定要相輔相成先至合格，亦都話骨肉相配就入於貴格，相反骨露肉薄就入賤格的相，差唔多都肯定的，至於點樣分辨骨法的好壞，一般都係分頭顱，軀幹，同埋上下肢三大部份，首先我們知道人的骨頭最初係有270條，隨住年齡的增長，其中有Ｄ攘合埋，到最後就有206條，骨頭外面一定包住毛髮、皮肉，究竟點樣知道個條骨好定壞呢，通常的方法有兩種；第一種就係用雙眼睇，觀察佢的外形係方圓呢，曲直呢，粗細呢，高低呢還是凹凸等等來決定佢有冇氣勢同埋形
格好唔好。第二種就係靠摸，用手指的觸覺揣度在皮肉裡面的骨係圓潤、堅實、順滑抑或巖嶢，然後將兩種睇得到同觸摸到的的綜合埋一齊，就好容易知道呢個人係唔係賤骨頭，當然摸骨係絕對唔需要由頭到腳一一摸勻，通常只係要摸個頭，至多加埋手臂同埋手指就已經足夠，有好多要由頭摸到腳，簡直荒謬，在傳統上骨相學的名稱好多，淨係後尾枕骨的名稱都有21種，所以要用呢Ｄ名稱去判斷吉凶，實在好煩雜，如果唔係銻光頭都幾難睇得清楚。
在相學上的基本步驟就係上相听聲，中相辨色，下相摸骨，所謂上中下者係講睇相個人的道行高低，所以摸骨就應該係相人學的第一課，其實係好基本的，所以相書裹面話閱人之道、氣色難辨、骨法易明、憂喜見於形容， 以前的睇相先生成日都掛在口邊的就係『入門休問榮枯事，但見形容便得知』，呢度所講的形係形態，容係容色，形態同埋容色之所以俾人睇得到，完全係因為『有諸內，必形於外』的不變定律，呢兩種都係洩露內心世界的媒介，所謂喜形於色，亦有憂容滿面，一個形，一個容就係觀察人的根據，一切的七情六慾都唔可以離開形同埋容，即使做戲咁做掩飾得幾好，都走唔出呢個法則，憂喜見於形容呢句話包括埋氣色，但係氣色呢樣野隨時變，隨地變，隨四季而變，好容易令到觀氣色的人產生混淆，因為今日認為好的，明日未必係好，今日的壞氣色，明日未必係壞，循環變化，要睇一時的?藀漭憧粕暋齱A要睇到幾個月之後的氣色就真係難，睇氣色一定要靠眼，所以有色盲的就無可能睇到，所謂氣色大致上都分為七種，就係青、黃、黑、白、紅、赤、紫，其中有幾樣係好容易混淆，就係青同黑、紅赤同紫，一個大意就好容易混淆，因為七種色都各有所主，就係青色主憂疑、疾厄、阻滯同小人；黃色主將有喜事、開心的事、有財運，做事成功的機會大；黑色主有水險、破耗、無端損失，做事容易錯漏；白色主有形剋、會有孝服、容易染病；紅色主現時會有開心的事，有好的消息，最容易應該就係求職有回音；赤色同紅色係最容易混淆的，可以分辨的就係紅色帶黃光，而赤色就帶有血的色澤，主容易有口舌的爭執，由爭吵至打架都唔奇，亦都有破財之象；紫色絕對唔係真正的紫色，如果面色發紫，呢個人唔死都應該差唔多就死，紫色而係一閃而過的紅黃之色，於身處困難之中有轉機或者絕處逢生，有突然間的喜事，例如有大橫財，呢樣係最難睇的。
但係色絕對唔係死板。見到那一種色就一定對應那一件事，早晚見同一個色所對應的事都唔同，大致上可以分為六個組合：
一．同形格配合的問題，所謂形格呢個人係木火土金水邊一形，每個人都有一個格，照傳統上氣色一定要同形格互相合，最基本的定律就係金形宜白、木形宜青、水形宜黑、火形宜紅、土形宜黃，如果每一個形格得到佢的本位色，自然好運，相反如果呈現一種被剋制的氣色，就一定無運行，例如木形帶白色，就係有剋制的氣色，火形黑色、土形帶青、金形帶紅、水形帶黃色，呢Ｄ都係屬膚色或者當時的氣色剋制住本形的色，但係所剋的色都有深淺之分，並唔係絕對唔容許有剋制的顏色，例如金形帶紅，照定律就係火剋金，但係如果只係微紅就變成金為火煉的格局，反而係好的，又例如木形帶白色，如果白色係微白，就唔好將佢定為金剋木，而係斧削成器但係色澤點樣先至叫做對呢就要自己掌握，因為一個人的形格好少係完全正格，一定唔多唔少混雜其它的格局，只要分出主同副就知道形格係順抑或逆。
二．同時令配合的問題，講運就一定要注意時令，得時得令就一定行運，失時失令就自然無運行，氣色同時令配合的定律就係；春季宜青色、夏季宜紅色、秋季宜白色、冬季宜黑色，只有黃色四季都得，可能係黃種人的綠故，有一條五色四時配合的口訣：
春三月、青色旺、赤色相、白色死、黃色囚、黑色休；
夏三月、赤色旺、黃色相、黑色死、白色囚、青色休；
秋三月、白色旺、黑色相、赤色死、青色囚、黃色休；
冬三月、黑色旺、青色相、黃色死、赤色囚、白色休。
旺呢度的係代表當時得令、相就係有助力、死係代表有大阻滯、囚係Ｄ衰野未走、休係一個轉機，通常都係由衰變好。
三．要根據流年部位配合氣色，流年的部位係肯定的，１至１４歲兩耳部位、１５至３０歲行額運、３１至３４兩道眉、３５至４０兩眼、４１至５０觀鼻運、５１至６０口部、６１之後就行地閣，在流年部位完好無缺陷係先決條件，加上面部表層的氣色無敗壞，就可以判斷那一年都唔會差得去邊，如果加上近期色有旺相，就唔多唔少都會有Ｄ開心的事出現，但係要精細分析重要兼顧好多野，例如年紀，職業的分別，主要分辨在於明、滯，氣色的口訣：『明中有滯，水定逢風。滯中有明，云開見日。』在好的氣色之中，偶然有Ｄ晦暗的色，就算覺得好順利，都要留心有突發的意外之事。衰運之中，呈現有明亮的色澤，表示唔使幾耐就有轉機。在流年部位加上氣色就判斷得好準繩，流年部位差，只要氣色好，就算部位好差，都可以逢凶化吉，麻衣相法話：『形不足而神有餘，愈歷艱困而愈立奇功。』所以流年部位差唔緊要，只要氣色唔差就無問題。四．氣色同職業的配合，呢兩樣野之間的關係好奇，好多時同一種氣色配合唔同的職業就所應的事可以完全唔同，例如眼肚下面偏向眼尾位置有赤色，一般的睇法就係容易遇到賊劫或俾人偷野，損失多唔多就要睇赤色的範圍有幾大，再配合鼻頭的色澤來到推測，但係如果呢個人的職業做賊的或者係打荷包的，就表示佢在幾日內會成一單大買賣，又或者呢個人係警察，就變成佢在短期內，一定有立功機會，如果再加上中正位紅潤，準頭明黃，就想唔升官都唔得。又例如火氣貫睛，〈赤脈貫睛〉赤色連顴，一般的睇法，呢個人短期內會有官司，甚至坐監都有份，但係如果呢個人係做律師的就唔同咁判斷，一定係好多訴訟的生意上門，如果係公門的人，就一定工作量大增。又例如眼角奸門赤色，眼肚發青，一般會出現的就係家庭不和，夫妻嗌交，但如果係鳳姐職業，唔使講梗係門口排晒隊等住進貢，但係如果是個未嫁的女仔就大件事，重的俾人呃，輕的都失戀，如果再加上青氣繞口，自殺都有份。所以氣色同職業的關係好密切，睇到唔好的氣色，在未清楚對方的職業之前，唔好即刻判斷應衰野。
五．氣的明暗、濃淡、同埋來去，象徵好的氣色不離開紅潤，明黃，普通的都潔淨明亮，差的氣色都係暗然無光，好似Ｄ塵封住，所以凡係睇氣色一定根據四個步驟：
１．分辨每一種氣色所在的部位，同埋所佔的面積大小。
２．分辨那個部位的色澤在氣勢上的盛衰程度，來得快或慢。
３．分辨呢一個人幾多歲，因為有Ｄ氣色後生有無問題，有Ｄ老無問題。
４．分辨呢一種色起了幾耐，剛剛起抑或就快消退呢，原則上一種氣色無論係好或者拽，突然間見到的，即係突然間起的，則所主的吉凶一定應得好快，有可能早上見到下午已經發生某種事；如果呢種色係慢慢形成的，所應的事必定慢慢出現；如果氣色深厚，呢件必定係大事；如果係好的色，呢件一定係大喜事；如果係衰的氣色，呢件一定係好衰；如果氣色淺薄，就算衰都唔會衰得去邊；如果消散狀態，好的亦唔覺得好，衰運亦都已經接近尾聲，要判斷面上所出現的氣色好定壞唔難，難在判斷佢係剛剛來抑或就走呢，非要長時間鍛鍊不可。
六．屬於心理同生理的基本因素，好多人話氣色無科學根據，完全係睇相佬講的，其實如果仔細分析，原來係同心理及生理有關連的，例如一個人面色明黃，面帶愉快的笑容，唔理講呢個人一定行緊運，點解呢？先由生理分析；佢腸胃一定吸收良好，睡眠好，生活節奏正常，在心理方面一定心情開朗，腦根清醒，無仇恨之心，長時期保持呢Ｄ身心狀態，想氣色差都難。點解氣色同心理有關係呢，其實係一種好自然的現象，例如自卑的心態，就會使人面紅，忿怒就會使人面青，憂愁會令人面白，煩悶會令人面黑，情緒正常的會使人面色保持黃中帶紅，但係往往都會因應性格而產生不同的色澤，通常熱情的人好多時都會面紅，因為情緒亢奮的關係。凶惡的人時常面色青，其實就係有恐懼感。冷漠的人面常白，因為缺少一顆熱情的心。孤僻的人常面黑，因為驚人接近佢，擺出一付佢人千里的面孔。呢一個通常係大多數咁解，再分清楚Ｄ紅黃之色多數都係有開心的事；青色就好容易有突發的危險事；白色就謀事好難成功；黑色都算係最衰的，無論額頭黑、印堂黑、鼻頭黑都係打定輸數，無好野出。咁多種色之中，以赤色係最難判斷吉凶。