成日周旋於政治爭拗 只會令民眾懷疑你哋嘅真正居心

[size=4]6．17政改方案立法會表決在即，3位中央官員同一眾立法會議員喺深圳會面交流，希望喺最後關頭能夠達成關於特首普選嘅共識，亦都呼籲反對派議員能夠鬆綁。反對派議員就企硬否決政改方案冇彎轉。
咁反對派議員接落下又有乜打算，睇怕都唔系為我哋港人著想，而系各有各心，另有打算吧。
班反對派議員成日口口聲聲話議員嘅工作系監察政府，但系距哋又做咗啲乜啊，除咗同港府對抗，埋就剩返拉布囖。出席會議本身就系議員嘅天職，只有出席會議，先至能夠參與議題嘅討論同表決，履行作為議員嘅義務同權利。但系請問宜家咧，你哋班友又忙緊D乜啊？長期都只有五六個人在席，唔系建制派D人撐住人數睇怕都成日流會。仲離譜嘅系，有時提出修訂嘅議員本人都唔喺度，表決嘅時間都篩喺點名上，好多人就算來到都仲唔投票，聽到都火滾喇，簡直就系荒謬至極。
宜家拉布成為立法會新常態，無論政治定系經濟議題，唔啱反對派議員心水就拉布阻礙政府施政。拉布好容易嗻，但拉布造成嘅社會資源耗費系好驚人嘅，唔單指篩咗香港發展嘅資源同時間，更重要嘅系侵蝕緊香港嘅競爭力，最後呢啲嘢都只會系我哋香港人自己埋單。
政制發展固然重要，但都唔系港人生活嘅全部，經濟民生問題對於我哋呢啲普通民眾來講亦都好重要。好多嘢都等緊你哋去做，而唔系成日周旋於政治爭拗。唔該你哋顧全大局，真真正正踏踏實實做啲嘢俾我哋睇喇。唔系嘅話，都唔好怪我哋懷疑你哋嘅真正用意。究竟做議員系為咗致力香港發展定系自己搵錢上位，宜家否決政改方案唔俾過究竟居心何在囖。[/size]

[img]http://i.ktzhk.com/LRFK4nD.jpg[/img]