開心咁去，嬲爆咁走！！

上星期同屋企人去飲茶，姨丈提議去彩富，大家都話好啊冇乜所謂。可能週末多人，去到要等位，出面派號個吖姐行嚟行去，都唔可以企定定等人摞個號先，結果擾攘咗幾分鐘先摞到個號，等咗大約10幾分鐘終於入到去，唔知系米人多啦，裡面勁嘈，屋企人想話傾下計都好似系到嗌交咁。點嘢食又等得勁耐，叫人催下，睇住佢哦完跟住就行咗去做其他嘢，結果都系等咗好耐先上嘢食，叫人加水就叫咗兩次先做，唸住family day，一家開開心心嘅，結果連我阿婆都擰擰頭。唉…搞到咁，真系冇下次囖！！