失德保險從業員

先旨聲明, 而家唔係要特別針對某公司,
間間公司都有好野衰野, 樹大有枯枝, 而家公開某保險從業員既不良手法。
想問問入左呢間公司做或做緊呢行既朋友有冇簽過呢D野, 可以討論下.
成個故事大致係咁...

(引君入甕) - 話說MxxxMxxxxx原來會叫未入職既人簽一份『見習營業代理津貼計劃申請表』,
係簽俾MxxxMxxxxx Financial group, 內容係講你做數archieve到target就會發放津貼,
相反唔得都無一條條文叫你還錢, 只會唔會俾津貼你.

問題 1), 當時簽呢份野係乜野身份? 唔係公司員工都可以拎allowance?
(勢成騎虎) - 一個月後會叫你簽一份正式既Agent agreement,
成份野全英文, 好多terms, 都唔緊要, 不過魔鬼在細節!!
有一條係講如果你未做夠24個月因為任何原因被終止代理協議的話,
係要7日內還錢, 即係之前講既"津貼"比公司, 月息3%, 年息36%,
注意, 同你簽既係MxxxMxxxxx Asia Ltd. 即係另一間公司.
而之前講既"allowance", 係呢份野度就變左"loan".

問題 2) 幾時變左係借錢? 俾人炒仲要將袋左落袋既嘔突出黎,
唔還就即刻搵財仔追, 呢d係乜野工??
最後, 事主做到第23個月就收公司既termination letter,
罪名係"莫須有". 事前係完全無先兆, 事主一直都以為自己夠數.
打份工姐, 加埋幫公司買既基金 (呢個又係另一個騙局!! 有機會再講),
入左呢間公司兩年唔見差唔多三十萬. 事主仲俾上線恐嚇話因為佢俾人炒,
所以上線比公司hold糧, 佢唔還錢就全team人無糧出.

問題 3) 事主唔還錢點解會同全team人無糧出會掛勾? 又係行規?
都係呢句, 有能力既, 做呢行當然可以搵到錢,
但無能力要離場就要將袋左落袋既嘔突? 咩道理? 定真係公司文化?
『跟我搵食? 幫人解決問題?』, 美其名係保險, 原來係介紹人借錢。

結論 : 搵份好工, 搵個好既上線, 搵個有心帶你既agent真係好重要。
好既從業員我身邊有大把, 不過咁衰既真係得呢個 (如果想知個名我可以PM你!)。
大家求職同買保險都要帶眼識人!