市民無懼波動　擬趁低吸

風水輪流轉，自2007年人民幣滙水已超越港元，揸人仔值錢過港紙。2010年初每百港元兌88元人民幣，至今年1月只能兌78元，上周五收報79.18元。


[b]貶值利內地入貨[/b]
人民銀行在剛過去周六再擴大人民幣滙率兌換波動區間，市場對其貶值憂慮升溫，但本港市民未懼人民幣短期的滙率波動，視其為穩定的長揸貨幣，會趁低吸納。
經營中國藝術品店五年的陳先生表示，相信人民幣滙率走勢會繼續波動，「跌多啲都會換多啲，貶值對我喺內地入貨肯定係好事，減輕咗成本，每年買藝術品至少有百多萬人民幣，都冇做對沖。」他指，將來持續對人民幣有需求，所以會趁低吸納，「前排都入咗啲人民幣，我睇長線，貶值到每百港元兌80元人民幣都已經好合理，冇可能回到一比一嘅年代。」
已退休的潘先生指，一年前開始儲落人民幣，長線看好人民幣前景，「區間加大係好事，人民幣自由咗都增強我嘅信心。但唔擔心短期滙率波動，係攞嚟揸嘅貨幣，而且好似股票咁唔跌又點會有位入呢？如果跌超過5%就會好抵買，可以考慮換多啲，但唔會成副身家擺落去。」
經常回內地探親消費的楊女士說，「十幾年前人民幣低水過港紙時，每個禮拜都會返大陸一、兩次。但自從人民幣越來越貴就減少返大陸，如人民幣繼續貶值，我會多啲返去玩。」

[img]http://static.apple.nextmedia.com/images/apple-photos/apple/20140317/large/0316cwl0307z.jpg[/img]
■經營中國藝術品店五年的陳先生表示，會趁低吸納人民幣。


[img]http://static.apple.nextmedia.com/images/apple-photos/apple/20140317/large/b0202a.gif[/img]


來源:蘋果日報網站