趁低息上車　炒樓要小心

港府雖然狂打樓市，惟本港亦連續四年蟬聯全球樓價最難負擔地區，要擁有一間蝸居，晉身樓奴行列亦非易事。眼見樓市持續亢奮，作為地產商的嘉華（173）主席呂志和亦未有「賣花讚花香」，認為樓價回穩，在低息環境下可考慮上車，若炒賣則要忍手。
現時樓市開始於高位回順，呂志和亦覺得合理，「樓市過往三幾年咁漲，應該要穩定返，繼續咁漲大家都受唔住。𠵱家穩定返落嚟，以前就太過瘋狂，兩、三年前升100%係唔啱嘅，𠵱家定返落嚟係正常。」
雖然樓價轉趨穩定，但呂志和認為現時入市炒樓風險仍高，未必有利可圖。相反儲夠首期的無樓一族，卻指可趁現時低息借錢上車，同時買入磚頭亦可抗通脹。「𠵱家有好處，利息平，你地買五、六百呎樓，可以借九成，都係有好處，假如真係投資就冇好處……始終通脹，銀紙貶值。」


[img]http://static.apple.nextmedia.com/images/apple-photos/apple/20140129/large/14869493z.jpg[/img]
■呂志和認為現時入市炒樓風險仍高，未必有利可圖。

來源:蘋果日報網站