廖碧兒縱狗狂吠　鄰居嘈到抑鬱

現年34歲的廖碧兒是愛狗之人，在將軍澳新都城香閨養了多隻玩具貴婦狗，可是她的鄰居莫先生前日向本報投訴廖碧兒縱容狗隻吠聲騷擾，令他的太太忍受不了要看心理醫生，被診斷有自殺傾向，甚至令兩人的生育計劃泡湯。對於狗吠擾鄰指控，廖碧兒昨日解釋在該單位養了四隻狗，其中三隻是狗醫生，自制能力很高，不會亂吠，她在寓所也加裝兩道門隔音。看來雙方各有立場，勢成水火。

[b]男鄰居斥夏天傳惡臭[/b]
居住在將軍澳新都城的讀者莫先生，聲稱是廖碧兒的鄰居，前日向本報投訴廖碧兒有失德行為，她飼養的多頭狗隻吠聲拆天，夏天時更傳出惡臭，嚴重影響其家人生活，甚至令他的太太困擾得有自殺傾向。前晚約7時半，莫先生在寓所樓下接受記者訪問，提供太太的醫生紙、自拍狗吠聲短片、跟廖碧兒助手互拍短片、廖碧兒的住宅單位查冊等資料，作出大控訴。

[img]http://static.apple.nextmedia.com/images/apple-photos/apple/20131101/large/01ec1p1newr.jpg[/img]
■廖碧兒是愛狗之人，還讓愛犬接受狗醫生訓練，探訪病童和老人家。資料圖片

[img]http://static.apple.nextmedia.com/images/apple-photos/apple/20131101/large/01ec1p2r.jpg[/img]
■莫先生前晚在新都城住所樓下受訪，投訴廖碧兒養狗擾鄰。DV圖片

[b]影響造人大計[/b]
莫先生指在新都城住了5年，廖碧兒於前年搬入同層隔鄰單位，他說：「廖碧兒有四至七隻狗，唔夠900呎，吠聲好猛烈好轟天，又好臭，我同老婆俾啲狗煩到頂唔順，初時唔知係佢，查戶主先知係佢，咁耐未見過佢出入，我喺客廳有時會聽到佢把聲，我同老婆俾佢啲狗嚇親，搞到老婆精神、心有問題，仲有自殺傾向。」問是否廖碧兒搬來後，莫太才出現這情況？莫生說：「完全係，佢搬入嚟後至有事，出入都吠到你飛天，喺廳都聽到狗高音吠。」
怨氣沖天的莫生甚至指控狗吠影響了他和太太的生育，他說：「我有番咁大，但太太細我十幾年，有機會生BB，想做人工受孕，但呢件事發生，邊有心機做呢啲嘢，一腳踢我落床，都冇咁心情，最後呢個機會冇咗。」莫生指狗隻每逢周日吠得最犀利，因為工人放假，沒養狗的他強調願意和平解決，還曾跟廖父Terry溝通，他說：「老婆仲送日本餅示好，佢都送番月餅畀我，最初Terry話幫我，我用百幾蚊買埋貼紙，畀佢黐門罅，但最後佢哋都冇理。」莫生表示有次容許廖父入屋交涉，雖然有管理員在場，怎知廖父卻惡言相向，還說：「你唔鍾意咪搬走。」

[b]「報過四次警」[/b]
不過，這兩年多莫生卻從沒見過廖碧兒，他說：「相信佢有針孔攝錄機，出入都避開我。」問廖碧兒知否被投訴？莫生肯定說：「佢一定知，我叩門佢報過四次警，我就因為狗吠聲太嘈報過一次，佢有兩次話我喺門口走廊噴空氣清新劑，令佢有機會跌倒，另一次我開門研究點封住門罅阻狗聲，撞到佢助手尹小姐，尹小姐語氣挑釁話：『係咪有嘢同我講？我影你。』我好聰明影番佢。𠵱家關係非常差，我已經講老婆可能自殺，佢都唔理好自私，佢愛狗我冇反對，但愛狗賤鄰唔理人死活。」
莫生指曾聯絡其他鄰居，簽名向管理處投訴，但管理處卻指狗吠聲很小，不了了之，他說：「公契話有兩個人簽名可投訴唔畀養狗，我走投無路，太太想自殺，我都想自殺，議員又搵過，已經兩年零十個月啦！」


[img]http://static.apple.nextmedia.com/images/apple-photos/apple/20131101/small/01ec1p4r.jpg[/img]
■廖碧兒前晚在微博上載愛犬相，只見一屋有六隻狗寶貝。

[img]http://static.apple.nextmedia.com/images/apple-photos/apple/20131101/small/01ec1p5r.jpg[/img]
■廖碧兒助手（圖）跟莫先生各自用手機互拍，要管理員調停。
莫先生提供片段截圖

[img]http://static.apple.nextmedia.com/images/apple-photos/apple/20131101/small/01ec1p3r.jpg[/img]
■莫先生指廖碧兒的寓所（左）常傳出狗吠聲。DV圖片

[b]廖碧兒反擊早裝隔音[/b]
愛犬如命的廖碧兒前晚在微博上載跟六頭愛犬的相片並留言：「我幸福的家庭！」怎知同時間卻發生被鄰居投訴，昨日廖碧兒透過經理人回覆：「我住呢個單位契約可以養狗，冇限數量，層樓一梯八伙，不少於四伙或以上有養狗，自己單位有四隻玩具貴婦狗，其中三隻係寵物醫生，自制能力高，當然有人經過不自覺會吠。」

[b]狗醫生識自制[/b]
為避免狗吠聲騷擾鄰居，廖碧兒做了很多措施，她說：「除咗大門同鐵閘外，仲加裝兩道門隔音，又長期關門窗，亦有請工人照顧，狗吠會喝止。」廖碧兒相信莫生不是太喜歡狗隻，知道他曾向警方、漁農署和管理處投訴，她說：「有關方面上嚟睇過話條件好好，照顧四隻狗冇問題，亦冇嚴重滋擾唔畀養，如果莫生覺得唔舒服，希望佢再向有關方面反映，自己管狗好嚴格，唔希望騷擾其他人，亦冇收過其他鄰居投訴。」記者曾上門視察，當時未發覺有狗吠聲，亦沒發現有針孔攝錄機。
此外，廖碧兒助手尹小姐接受電話訪問，對於曾跟莫生各自用手機互拍，她解釋：「嗰晚做完嘢送Bernice（廖碧兒）返屋企，我哋好驚嗰個人，出𨋢時見到佢，Bernice即刻匿後樓梯，我上四樓避開佢之後行樓梯落嚟，點知佢仲企喺度，嗰時夜晚12點幾，佢打大赤膊冇着衫，我好驚，唔知開唔開門入屋，怕佢衝出嚟。」
尹小姐指當晚並非第一次報警，之前懷疑對方曾在走廊地下噴油，令她幾乎跣倒，尹小姐聲震震說：「我哋經常只有女仔喺度，好擔心安全，所以報警，佢試過大力搖鐵閘，又喺外面鬧入嚟，搞到我情緒出現問題，我諗過辭職休息，但又好擔心Bernice安全。」


來源:蘋果日報網站