2011-7-21 13:23
sinta
日頭蘆鬚城踢水 米脆豆腐滑
[img]http://hk.apple.nextmedia.com//images/apple-photos/apple_sub/20110721/large/21fb01p.jpg[/img]
唔係講笑，記者攝影師 Model一行人三男二女，居然無人踏足過南丫島，今番踩入南丫島食海鮮，一次過嘆齊三滑──蘆鬚城泳灘啲沙同靚女皮膚一樣滑，五十年豆腐花都好滑，香米脆豆腐更加滑上加滑，玩到我樂不思蜀，有啲唔捨得走。
[size=20pt][b]第一滑：蘆鬚城靚沙[/size][/b]
[img]http://hk.apple.nextmedia.com/images/apple-photos/apple_sub/20110721/large/21fb20p.jpg[/img]
[size=8pt]■索罟灣充滿漁鄉風味，大熱天時入到去，仍有凉風送爽，好舒服。[/size]
南丫島可以分成三大區域，由西至東分別有榕樹灣、索罟灣同模達灣，一心訂枱開飯，好多食肆都有專船接載，喺中環碼頭或香港仔魚市場上船，送到你去門口；若然係 Walk-in客，可揀選港外線 4號碼頭上船，直達南丫島中心點索罟灣。
揀周末周日殺入南丫島，原意係貪人多夠熱鬧，落船先發覺比想像中冷清，唔緊要，反正仲有幾粒鐘先到午飯時間，一於踢吓水睇吓女消磨時間！由索罟灣碼頭步行半粒鐘直達蘆鬚城泳灘，唔知係咪時間太早關係，五人拍攝隊加五位大隻救生員之外，全個泳灘數埋得嗰十零人，兩位靚女 Betrys同 Hailey隨即換比堅尼飛奔落水。嘩，好靚，泳灘真係好靚，海面無垃圾枯木，連沙粒都幼滑過人，踩沙軟綿綿，感覺好舒服；嘩，仲靚，兩位靚女玩得好放，一時你點我笑穴，一時我扯你泳衣，齋睇佢哋追逐嘻哈潑水濕身，已經夠賞心樂事。人少好定人多好？兩睇啦，或者你覺得冷清唔夠熱鬧，喺我眼中卻係悠閒避世勝地，怕嘈怕逼人嘅，實在值得考慮來個南丫島一日遊。
[img]http://hk.apple.nextmedia.com/images/apple-photos/apple_sub/20110721/large/21fb09p.jpg[/img]
[size=8pt]■蘆鬚城泳灘唔大，更衣室同洗手間乾淨企理，最正係無人同你爭用。[/size]
[img]http://hk.apple.nextmedia.com/images/apple-photos/apple_sub/20110721/large/21fb03p.jpg[/img]
[size=8pt]■蘆鬚城泳灘算中型規模，沙質特別幼滑，赤腳踩沙，軟綿綿唔巉腳。[/size]
[img]http://hk.apple.nextmedia.com/images/apple-photos/apple_sub/20110721/large/21fb04p.jpg[/img]
[size=8pt]■騎膊馬？我都想騎埋一份呀。[/size]
[img]http://hk.apple.nextmedia.com/images/apple-photos/apple_sub/20110721/large/21fb07p.jpg[/img]
[size=8pt]■踢水好無聊？你睇 Betrys玩得幾開心。[/size]
[img]http://hk.apple.nextmedia.com/images/apple-photos/apple_sub/20110721/large/21fb08p.jpg[/img]
[size=8pt]■手拖手跳入海，呢啲咪 Cool囉。[/size]
[img]http://hk.apple.nextmedia.com/images/apple-photos/apple_sub/20110721/large/21fb05p.jpg[/img]
[size=8pt]■ Hailey最怕曬黑皮膚，一樣忍唔住癲玩兩粒鐘。[/size]
[size=20pt][b]第二滑：五十年豆腐花[/size][/b]
[img]http://hk.apple.nextmedia.com/images/apple-photos/apple_sub/20110721/large/21fb10p.jpg[/img]
[size=8pt]■行出索罟灣碼頭右邊，不遠處就係「仁記」。[/size]
玩夠，上水，途經碼頭旁一間毫不起眼嘅士多仔，對開十張枱均座無虛席。問當地人先知，原來呢間「仁記」喺南丫島起晒朵，除缽仔糕外，凍熱豆腐花最出名，連外國遊客都讚：「 Wonderful！」靚女見到甜品，即流口水發晒癲，不顧儀態食到𠽌 𠽌 聲，就連對甜品免疫嘅我，都驚嘆豆腐花嘅香滑，跟市區食到嘅有好大分別，唔會有種機製加工嘅木獨口感。
同老闆娘仁姐搭訕，原來舖頭係佢老竇剩落，經營接近五十年，香滑豆腐花應該有獨門家傳秘方，會唔會真係用山水做豆腐花？「山乜鬼水吖，以前無水喉先用山水之嘛，𠵱家人人都用水喉水 o架啦，可能我隔渣功夫做得好，石膏粉、生粉調校比例比人好啩。」「有食客讚你啲調味糖水唔會太甜喎。」「係咩，哎呀，今日煲得稀，差咗就真。」換轉喺旺角，我會懷疑仁姐敷衍我。呢間舖九成熟客，好似茶餐廳嘆奶茶咁一人一碗，街坊街里閒話家常，小朋友食得開心，小貓小狗望海乖乖坐，大伙兒 Hea得好優質，呢個畫面，簡直係南丫島 Starbucks，唯一唔同嘅係，無人會耷低頭玩 Mac機同自閉聽 iPod囉。有理由相信，「仁記」賣嘅係由細食到大嘅感情味，屬慣性收視，入得南丫島，記得一試。
[img]http://hk.apple.nextmedia.com/images/apple-photos/apple_sub/20110721/large/21fb18p.jpg[/img]
[img]http://hk.apple.nextmedia.com/images/apple-photos/apple_sub/20110721/large/21fb19p.jpg[/img]
[size=8pt]■缽仔糕、茶果同樣出色，不斷包不斷賣清。你我細個同樣天真過，嘗試揀出最多紅豆嘅缽仔糕。[/size]
[img]http://hk.apple.nextmedia.com/images/apple-photos/apple_sub/20110721/large/21fb17p.jpg[/img]
[size=8pt]■ Hailey：「少少手震都會跣出嚟，豆腐花真係好滑呀。」[/size]
[img]http://hk.apple.nextmedia.com/images/apple-photos/apple_sub/20110721/large/21fb11p.jpg[/img]
[size=8pt]■凍熱豆腐花同樣出色，各$7。[/size]
[img]http://hk.apple.nextmedia.com/images/apple-photos/apple_sub/20110721/large/21fb14p.jpg[/img]
[size=8pt]■ Carrie：「 Wonderful！第一次食到咁有特色嘅甜品。」[/size]
[img]http://hk.apple.nextmedia.com/images/apple-photos/apple_sub/20110721/large/21fb15p.jpg[/img]
[size=8pt]■ Eben：「好好味，想食多一碗。」[/size]
南丫島索罟灣第一街 22號舖）
[size=20pt][b]第三滑：外脆內軟炸豆腐[/size][/b]
[img]http://hk.apple.nextmedia.com/images/apple-photos/apple_sub/20110721/large/21fb24p.jpg[/img]
[size=8pt]■香米脆豆腐$60[/size]
南丫島最出色嘅始終係海鮮，特別係「天虹海鮮酒家」，電話相約採訪，你點估到蜑家佬賣海鮮，居然賣到有 Maketing部門專責接洽宣傳事宜，全因總廚陳浩強個朵夠響夠獎，炮製海鮮手到拿來兼具創意。難怪小小一個索罟灣，已經設有東西兩間分店，更有免費專船接載食客到南丫島。一個禮拜七日，慕名而來嘅食客多到唔夠位坐，以周日中午情況睇，東面舖位足足有超過二百人，熱鬧喧嘩嘅畫面，跟南丫島悠閒寫意嘅氛圍極度格格不入。陳總廚話：「就算唔係母親節、團年飯呢啲必旺日子，平時假日翻枱次數都有四至六輪，勁過好多旺區海鮮酒家。」
未食海鮮先試四式凉菜拼盤開開胃，一二三由淡到濃分別有大豆芽、鮑片、海蜇頭，味蕾做定熱身，再試最有創意嘅第四個凉菜──青芥末配滷水淮山，淮山用白滷水汁浸製，腍軟有咬口， Wasabi辛辣味直闖鼻腔，令人精神一振，正！喉嚨已開，緊接而嚟有香米脆豆腐，簡單食材盡見師傅手藝，豆腐鋪面薄薄一層米漿，炸成金黃色一塊，小巧精緻，表層勁香口一咬卜卜聲，內裏超級滑嘟嘟，唔會炸到過火變硬豆腐，一濃一淡一脆一軟，就算唔點酸甜醬，齋喫已經正到直豎拇指。
芝士焗龍蝦同樣不得不食，大路菜式？係大路呀，但用料正吖嘛，用 350g至 400g重本地龍蝦入饌，呢個 Size最重龍蝦味、肉質最鮮嫩，靈魂在於鋪上面嘅芝士，陳總廚：「經過多番嘗試，我用過幾款唔同種類嘅意大利芝士混合調製醬汁，務求味道濃烈得嚟唔會太膩。」[節錄...]
[img]http://hk.apple.nextmedia.com/images/apple-photos/apple_sub/20110721/large/21fb23p.jpg[/img]
[size=8pt]■ Betrys：「外面有薄薄一層酥炸米漿，裏面保留豆腐香滑質感，火候啱啱好。」[/size]
[img]http://hk.apple.nextmedia.com/images/apple-photos/apple_sub/20110721/large/21fb25p.jpg[/img]
[size=8pt]■酸甜汁唔算太濃烈，唔會酸到你擘唔開眼，好醒胃。[/size]
[img]http://hk.apple.nextmedia.com/images/apple-photos/apple_sub/20110721/large/21fb28p.jpg[/img]
[size=8pt]■意大利芝士焗龍蝦每隻$180[/size]
[img]http://hk.apple.nextmedia.com/images/apple-photos/apple_sub/20110721/large/21fb29p.jpg[/img]
[size=8pt]■ Hailey：「意大利芝士好香，齋聞已經係一種享受。」[/size]
[img]http://hk.apple.nextmedia.com/images/apple-photos/apple_sub/20110721/large/21fb26p.jpg[/img]
[size=8pt]■醉香鹽焗奄仔蟹每隻$150[/size]
[img]http://hk.apple.nextmedia.com/images/apple-photos/apple_sub/20110721/large/21fb31p.jpg[/img]
[size=8pt]■ XO漁家醬蒸貴妃蚌每隻$40[/size]
[img]http://hk.apple.nextmedia.com/images/apple-photos/apple_sub/20110721/large/21fb30p.jpg[/img]
[size=8pt]■天虹四式凉菜拼盤$160[/size]
[img]http://hk.apple.nextmedia.com/images/apple-photos/apple_sub/20110721/large/21fb22p.jpg[/img]
[size=8pt]■東面分店周日坐爆超過二百人，相當熱鬧。[/size]
（ 2982 8100/南丫島索罟灣第一街 1A至 1B、 23至 25號舖）
來源:蘋果日報網站