2011-6-2 01:09
ee897
榴槤fans有好介紹,榴槤專門店"正"
上星期同班朋友係佐敦食完飯,諗住去食糖水,我就提意去老字號松X,我好鍾意去嗰到食未試過第二間,跟住simon話去另一間戀之蜜試吓,佢話之前朋友推介過呢間甜品店,雖然唔係有名連鎖甜品店,但佢D甜品好有特式,有自已風格,就叫我地去試下,咁大家都冇反對我地就去試吓,我地入到去見店員同我推介榴槤系列產品,對於一個榴槤忠實fans嘅我,立即追問有咩好推介,佢同我講呢到最出名係豆腐花,梗係要試榴槤豆腐花啦,仲有榴槤Mousse蛋糕,佢話呢個係即叫即做,都幾吓師夫工夫,每日限買十個,仲話last１個問我地要唔要,跟住再推介榴槤忘返,齒甲榴香,榴槤木槺蛋糕,榴槤班戟,榴槤雪花冰,最后再推介榴槤千層蛋糕,佢話呢到芒果千層蛋糕,買到街知巷聞,一定要試呢個榴槤千層.
原來我班fan都係榴槤fans佢地話不如今晚就食晒全部榴槤甜品大家一齊食,佢地話其它甜品店,通常得一兩樣榴槤甜品,好少好似呢到有咁多用榴槤做甜品,嗰然回應返simon嗰朋友講"佢D甜品好有特式,有自已風格",其中有fan問店員天氣咁熱有咩刨冰推介,店員即時推介兩款新推出甜品,係專門為夏天推出,冰震系列,冰震七公主同另一款冰震雜果凉粉,我fan話冰震奶茶就聽過,冰震七公主同冰震雜果凉粉到唔知係咩,得唔得架,店員就話信佢一定得,咁個fan就話信佢試下.落完單我地有講有笑等甜品到•
1.榴槤豆腐花,嗰然係無得頂,勁好食,豆腐花嗰然滑,成舊榴槤肉放係到,仲有嗰汁底好香好滑.無介紹錯"正"
2.榴槤忘返,話又係好好食,好夠凍,底下係榴槤肉,仲有Ｄ水晶珠,再加上用榴槤肉整成忌廉,一個字"正"
3.榴槤Mousse蛋糕,話好靚真係唔寫得食,榴槤肉加上mousse蛋糕做,好"正"
4.齒甲榴香,呢個似出面Ｄ榴槤飄香,我食到有榴槤肉,榴槤加椰汁打成底,西米,水晶珠,好特別,好味
5.榴槤木槺蛋糕,平時食過原味同朱古力味木槺蛋糕,估唔到佢地用榴槤做木槺蛋糕,好有創意,好特別,值得一試.
6.榴槤班戟,咬落去成舊榴槤肉加忌廉"正"
7.,榴槤雪花冰.話呢到一定要提,真係好香,好有榴槤味,同出面食開雪花冰,完全唔同味道,我問店員點解你地Ｄ雪花冰咁好味,味道好真,同出面其它 甜品店唔同,係米唔同供應商,佢話我知,呢到所有雪花冰全部用新鮮生果自已打出黎,所以晤同出面食開嗰Ｄ.
8榴槤千層蛋糕,呢個真係好特別,之前都有fan食過呢到芒果千層,佢話食過之後都愛不釋手,但呢個榴槤千層蛋糕,食落又真係回味無窮.
至於冰震七公主同冰震雜果涼粉.我就無食到,不過嗰樣就好得,嗰fan話好特別,好好味,雙重感覺,比起淨食刨冰,口感豐富好多.
大家食完都一致認同,呢間甜品店D甜品好有特式,有自已風格,正,係甜品店黎講真係滄海遺珠,直得一試.下次我落開佐敦都會落黎再試,我諗我都唔會再去老字號食糖水