無良洗衣店 <<寶發(集團)有限公司>> 大家留意!!!!

無良洗衣店 <<寶發(集團)有限公司>> 大家留意!!!!

我媽拎左件羽絨褸去洗(在HEIB買左$1800),張單都寫明陣係洗袖口同領口位。
點知大前日去攞褸右邊身同右邊袖口位縮水硬晒巢晒, 入面d鵝毛都燶晒。
我媽出左門口再番入去佢就話件衫唔係佢地洗....之後我阿媽同佢講 個袋都未拆呀!
搵番張單同佢講, 之後個小姐又話件衫唔係我收架喎, 我媽就話係上星期六下午你收架, 個小姐再睇睇就話...丫係..我d字跡。之後就話 咁你一係放低,一係拎走啦。
我媽就好嬲 咁話放低我幾時拎得番先, 佢話唔知架睇下老闆幾時巡舖啦, 一個月唔定3個月又唔定。我阿媽緊係唔肯啦, 同佢理論。
我就問佢拎佢上司電話, 或總公司電話, 個位廣東話都未講得正o既小姐就拍台趕我地走, 又講粗口話唔知, 無office電話, 又話唔知老闆係邊個。我地唔肯走, 我就打1083查佢地office電話, 點知比我搵到24622078工場電話。有一個鄭小姐好有禮貌咁話幫我解決, 不過原來佢打落舖都係叫個小姐叫我地放低件褸就走。我再打去比個個鄭小姐問究竟幾時可以拎番件褸, 佢就話要比師傅睇過先, 真係答我唔到, 咁你比師傅睇都唔會睇幾日都睇唔完下化, 佢就話3日內比答覆我。
咁岩個個送衫o既先生黎左, 見到我地嘈緊就話,我而家幫你拎番工場啦。
有左時間, 我地都滿意D, 就放低左。但對佢地整得番件衫就原全無信心!
我上網打佢地公司名, 之後見到咁多受害者都係無得賠, 我已經估到2日後O既結果。
我仲去過佢地網頁睇過, 個個聯絡我們O既頁面係死LINK, 佢地跟本就唔想比我地投訴。
而其他受害者(不是同一家分店)問佢地要上司/老闆/總公司電話, 都同我得到o既答案係一樣, 跟本就一早叫d店員唔好答。
呢件事我同我媽都認左係運氣唔好, 但無良商人就愈做愈大, 消委會跟本就做唔到野。
今日去拎番件褸, 表面上件褸整好左, 無咩問題。但一摸入面, 有一層保暖包住羽絨毛毛個層PVC拆左....原來D羽絨燶左個幾格塞番D唔知咩野毛,佢仲唔用番原色線車口, 完全睇到佢做左咩野手腳。
我唔係母親, 但我希望各位母親小心呢間洗衣店, 你地可以打佢個名上網查, 就算唔係天耀分店, 其他分店好多人都有咁O既糟遇。
我阿媽最嬲都係佢一開始係咁趕佢走, 佢唔噴氣叫埋我去幫口, 如果唔係佢跟本就唔理, 雖然而家理左件衫都無用。但好明顯手法係慣犯!

張單上面仲寫明 專業洗衣 忠誠服務,
大部份羽絨都唔可以抵受高溫, 大部份羽絨都係用水洗的。而家件褸燶左, 跟本就唔係水洗做成, 又何來專業。洗壞左陣係叫人走, 投訴無門又何來忠誠!

另外, 有一個阿嬸係2日我地嘈嘈下走入黎幫口, 話我地好嘈, 人地都係打份工O者, 佢唔知咩事就幫人, 佢拍台講粗口鬧我阿媽呀, 點忍呀, 我都無講粗口陣係大聲D O者, 今日去攞褸又見到佢, 擺明係同黨!