轉帖(忽然一週訪問) 超級巨聲趙展彤 佢d衰野絕對是堅的

忽然一週

本周日（ 19日）晚，無綫歌唱節目《超級巨聲》首播，即場由一百位參賽者中選出 30位入圍，當中有好多唱得之人，質素分分鐘高過班現役歌手。
當晚表現比較突出嘅，算係藍奕邦心水、專登由澳洲飛來港參加比賽嘅台灣人陳鴻碩，佢為咗呢個歌星夢仲連份工都辭埋；另外全場年紀最細，年僅 11歲、暑假後才升中一嘅趙展彤（彤彤），就得到父母悉心栽培， 3歲已經加入兒童合唱團，之後彤彤參加過無數歌唱比賽，除了第一次攞亞軍外，其後從未輸過，絕對係歌唱界神話。

趙展彤受爸爸影響自小喜歡唱歌，趙爸爸說：「我好鍾意唱歌，細個時冇膽考唔到合唱團，既然個女有音樂天分，我自小就栽培佢。」趙爸爸在家日唱夜唱，彤彤自小受到薰陶，一、兩歲已懂得跟着音樂節奏打拍子。父母在她三歲時，安排她參加香港兒童合唱團，之後轉到黃大仙兒童合唱團。不過愛個人表現的她，不願跟其他小朋友同台演出，最後退出。


面試激到跪地
6月 7日，彤彤在面試時演唱英文歌《 Memory》，激動到跪在台上，比賽經驗極豐富的她，一啲怯場都冇。她的志願除了當獸醫外，便是做歌手。

[b]父女合唱[/b]
[b]彤彤坦言最討厭同人合唱，連爸爸也不例外。當日記者到趙家採訪，要求兩父女即場合唱，彤彤跟爸爸合唱了《明天會更好》。唱完她說：「我想嘔！」大家以為她唔舒服，她竟說：「呢首歌好悶，悶到我想嘔呀！」[/b]

6歲開始比賽
彤彤 6歲開始參加比賽，趙媽媽話：「自從第一次參加比賽得到亞軍，佢就好鍾意上台表演，暑假會俾佢參加多啲，咁耐以嚟佢淨係喺《殘酷一叮》輸過俾喬寶寶咋！」那次彤彤與喬寶寶同分，以現場掌聲決勝負輸了，嚴格來說不算輸。對於被指唔鍾意同人合唱，彤彤話：「我一上到台就會好開心，唔鍾意同人一齊唱。今次參加比賽同啲大人鬥，入到 100名我已經覺得好叻。」


最愛跆拳道
彤彤是家中獨女，父母為了栽培她，讓她去學鋼琴、小提琴、非洲鼓，以及做唱片騎師等，當中她反而最愛玩跆拳道，難得有觀眾，她當然要露兩手示範給大家看，真的非常有表演慾。

[img]http://hk.sudden.nextmedia.com/images/next-photos/SuddenWeekly/730/160pixfolder/A730-036/IMG_8785.jpg[/img]
渴望快些長大的彤彤，雖然父親從事化妝品批發，但她卻愛自己買化妝品。做訪問當日不時補妝，相當早熟。

[img=190,130]http://hk.sudden.nextmedia.com/images/next-photos/SuddenWeekly/730/160pixfolder/A730-036/IMG_8779.jpg[/img]
彤彤 7歲時參加《殘酷一叮》，以一曲《夜上海》成為第 8集的冠軍，可惜挑戰第 7集冠軍喬寶寶時，以 60分打成平手，但最後以掌聲決定勝負時落敗。
[img=190,130]http://hk.sudden.nextmedia.com/images/next-photos/SuddenWeekly/730/160pixfolder/A730-036/IMG_8768.jpg[/img]
07年，彤彤參加慧妍雅集歌唱比賽，奪得四至六年級獨唱組冠軍，由朱玲玲頒獎。每次彤彤參加比賽，父母都會配合歌曲為她訂造過千元歌衫。
[img]http://hk.sudden.nextmedia.com/images/next-photos/SuddenWeekly/730/160pixfolder/A730-036/IMG_8661.jpg[/img]
剛在馬頭涌官立小學畢業的彤彤，音樂天分很高，只跟母校校長黃玉貞學習了 3堂結他，經過一年自學苦練，已能夠自彈自唱，還嘗試創作歌曲，不過佢話作得好差，唔肯唱俾記者聽。