白韻琴開解寇鴻萍 「男人天生要播種」

白韻琴與謝偉俊（Paul）、寇鴻萍與梁廷鏘兩對「問題夫妻」前晚現身灣仔君悅酒店，出席香港傷健策騎協會的慈善化妝舞會，曾與吳亭欣傳緋聞的利承武也單拖到場。白姐姐與阿 Paul前後腳赴會，問到早前有傳白姐姐查數，她表示：「數梗係用嚟查，冇乜出奇。」阿Paul亦不願多提：「無根無據，無風作浪，你哋問番白姐姐。」

「男人有獸性」問到白姐姐會否以過來人身份開解早前被踢爆老公偷食的寇鴻萍，白姐姐即笑笑口大發偉論：「相信所有男人都有些少獸性，男人天生要播種，我最近睇咗一本書叫《 SpermWar》，男人要播種，第一要 survival（生存），第二要reproduction（生育），男人天性係接近唔同異性，所以咪會孔雀開屏，要搵唔同異性播吓種。」會否接受阿Paul找異性播種？白姐姐說：「我唔知，冇所謂，我知都冇所謂，我咪又去，唉，我講笑，女人邊有得孔雀開屏？」
問寇鴻萍有否收到老公梁廷鏘偷食的謝罪大禮，她一臉晦氣：「唔講，未收到，唔講呢啲。」問她母親節有甚麼節目，她即表示兩女兒已越洋提早祝賀。梁廷鏘對於早前被追裝修欠債，他說：「追咩追，解決咗。」

資料來源：蘋果日報